Una Terra… cinque Lingue: Pera chela feida …

Te duta la rejonèdes l é manieres de dir e dic da zacan  che i é desche picola mizacoles de l saer de nesc veies.  Vèlch outa l é fregoles de ferstont e fondament, autra outes l é rejonèdes da grignèr o pizochentes.  La rejonèda fascèna la é richenta de dic e parlèdes da n’outa e nos jon a ve n fèr descurir velgugn.

Anche ve meton dant n dit che à scoscedà n recort da bec.

Pera chela feida che no è bona de se portèr la lèna.  

Canche siane bec, se fajaane i valenc,  sul fenir de l’istà,  i ne menèa a fèr na raida sa mont. Se peèa via duc con n prossach.  L père se tolea dò chel che aea più peis, zeche per se sentèr jabas, l magnèr e ciutres de tè ciaut, ajache no l era scioldi per jir te la uties da mont a marena. La mère e i bec i aea n prossach più picol e manco pesoch.  L era ite na picola ciutra de tè ciaut,  n fianel e vèlch che tegne fora la pievia, ajache sa mont, desche che se sa,  no l è  condemanco che l temp mude n prescia, donca ge volea aer dò zeche  per l freit o la pievia.  Nesc veies canche se jia sa mont, da beiver  i ne dajea semper tè ciaut, ajache a jir n su, sessaben se suèa, donca  no i volea che se beive èga freida, per via che podea ne vegnir mèl a l venter.  Dapò i ne ensegnèa, che per se sentèr jabas sul pescol, ajache no l é condemanco che l’erba sie mola, ge volea semper vèlch per stèr sul sut e no ciapèr ite zeche.

Chestes l é fregoles de fondament che cognassane tegnir a ment ence aldidanché.  Jon deretorn a nosc dit da zacan.

Nos bec, vèlch outa, assane bolintiera dat su nosc prossach da portèr a zachei, per dapò poder corer sui vièi, se rampèr sui sasc, jièr ti ruves  e sutèr de ca e da la,  più sorì e lijieres.

Enlouta nesc genitores ne dijea “ Pera chela feida che no è bona de se portèr la lèna”.

Desche dir: se no ti ès bon de te portèr dò tie erc ti es  n poltron.

Chest dit l valea ence per canche se jia a scola a se portèr do i libres, o a lurèr te prà e te ciamp, per i artejegn e etres lurieranc, duc cognea se portèr e aer dò i èrc de sie mestier.  Se un scutièa a no se portèr chel che l aea de besegn  i ge dijea: Pera chela feida che no è bona de se portèr la lèna e l era desche dir che ti es n ciordon, n schenadreta, n peigher e n poltron.  Chest  dit  l va ben amò ence aldidanché, soraldut canche se va sa mont.  Duc se porte sie prossach per no fèr sfadièr demò un soul e  per aer sot man sobito, chel che pel servir tel besegn, e soraldut, perche che no i die che sion ciordons.

Con chest ve saludon. Ve auguron n istà colma de bela raides sa mont e che te prossach, canche vegnide deretron, sie ite ence duta la bela emozions che aede vivù tel bosch, sul pescol e japede noscia bela crepes. A n autra più bela.

In tutte le lingue ci sono detti e proverbi che provengono dai ricordi nonché dalle esperienze di vita dei nostri nonni. Alcune volte sono briciole di saggezza e buonsenso, altre volte sono detti divertenti o pungenti.  La lingua ladina fassana è molto ricca di massime e noi vorremmo farvi scoprire alcuni di questi proverbi.

Oggi vi proponiamo un detto che evoca un ricordo di quand’eravamo bambini.

Pera chela feida che no è bona de se portèr la lèna.

Traduzione letterale: Povera quella pecora che non riesce a portarsi la lana .

Questo detto ci ha fatto ricordare le poche gite in montagna che i nostri genitori ci portavano a fare come premio sul finire dell’estate. Partivamo tutti con uno zaino. Il padre portava le cose più pesanti, la coperta da stendere per terra, il mangiare con le thermos del the caldo. In quegli anni non c’erano i soldi per poter pranzare nei rifugi. La madre ed i bambini avevano uno zaino più leggero con una piccola thermos di the, un golfino e una giacca, nell’eventualità che arrivasse un temporale, cosa molto probabile in montagna. Il the caldo non mancava mai, perché in montagna si sudava ed era più saggio bere qualcosa di caldo, non l’acqua fredda che poteva generare mal di pancia. Ci insegnavano anche a non sederci mai sull’erba umida del pascolo, senza aver messo qualcosa per stare all’asciutto ed evitare qualche malanno.

Questa era saggezza dei nostri vecchi.

Ritornando al nostro detto, noi bambini avremmo ceduto volentieri il nostro zaino a qualcuno. Così avremmo potuto correre, saltare nel bosco e sui pascoli, arrampicarci sui sassi e giocare nei ruscelli.

Allora i nostri genitori ci dicevano: Pera chela feida che no è bona de se portèr la lèna. (Povera quella pecora che non riesce a portarsi la lana) Era come dire: se non riesci a portare quello che ti serve sei un indolente e scansafatiche.  Questo detto valeva anche per quando si andava a scuola, ma anche al lavoro nei campi, o per gli artigiani, tutti dovevano avere gli attrezzi o gli strumenti personali per lavorare, altrimenti erano additati come lavativi e fannulloni.

Questo detto è ancora valido per chi va in montagna, tutti portino il loro zaino, grandi e piccoli, per non essere additati come pigroni.

Pera chela feida che no è bona de se portèr la lèna.

(Povera quella pecora che non riesce a portarsi la lana)

Anche per oggi è tutto. Noi vi auguriamo tantissime meravigliose gite e che nello zaino, al ritorno, ci siano tutte le belle emozioni che avete vissuto, nel bosco, sul pascolo e ai piedi delle nostre stupende montagne. Alla prossima volta.