Appena dietro l’angolo: Al torne Maman!

Al mancje pôc par che al torni Maman!, la trasmission che di agns e compagne i plui piçui a scuvierzi la lenghe furlane doprant il zûc, la musiche, la fantasie e il divertiment. Un sucès che al va indenant tal timp e che si rinove cuntune stagjon plene di sorpresis, che a confermin Maman! tant che l’apontament par furlan dedicât ai fruts plui ricognossibil e cu la storie plui lungje.

La date di segnâ sul calendari e je vinars ai 9 di Otubar, aes 18.30, cuant che Daria Miani cul so gjat inseparabil Vigji, e Desiree Chiappo Debegnach, la sô simpatiche “vicine di cjase”, a tornaran su Telefriuli (canâl 11) par screâ une gnove aventure. Fin in Jugn, Maman! al larà in onde ogni vinars aes 18.30, cun replichis di domenie aes 7 e aes 13.00.

Maman! al è il risultât di une coproduzion fra la ARLeF e Telefriuli.
Midiant dal zûc, de narazion e de scuvierte, ancje in cheste gnove stagjon Daria e Desiree a svicinaran i plui piçui al plurilinguisim, fasintju jentrâ in contat cul furlan in maniere naturâl e divertente, e dimostrant ai gjenitôrs i tancj vantaçs cognitîfs e comunicatîfs peâts al fat di cognossi plui lenghis za dai prins agns di vite.

I ingredients de “recipe” di Maman! no cambiin, mantignint lis rubrichis plui amadis dal public. In “Fasìn un zûc”, i fruts a podaran provâ lis lôr cognossincis cun quiz, zûcs e induvinei, invezit “La cusine Bete”, la “cusine” strambe di Daria, ur proponarà ai plui piçui di zuiâ cul inglês e cul furlan par imparâ tantis peraulis intes dôs lenghis. A zuiâ cu lis lenghis, ma cheste volte cul furlan e cul todesc, e sarà ancje la piçule Corinna che e je a stâ a Stocarde cui siei gjenitôrs, e e sarà protagoniste di cualchi cameu cun Daria.  Dopo de sô aparizion inte stagjon passade, che e à concuistât il public dai plui zovins e des mamis, e torne ancje Ketty: e sarà la protagoniste de rubriche Ce sbelet cun Ketty!, dedicade al sbelet, che e cjape dentri frutis e fruts. E nol podeve mancjâ un altri protagonist une vore amât: “Spiçut il riçut”, il carton animât dedicât soredut ai plui piçui, che al conte lis aventuris, lis emozions e lis scuviertis di un riç une vore dolç e dai siei amîs.

Dutis lis pontadis de gnove stagjon de trasmission a saran a disposizion ancje su la tv on demand di Telefriuli come ancje sul canâl YouTube e sul sît de ARLeF, là che si puedin za viodi lis cuasi 300 pontadis des stagjons passadis. Achì a son a disposizion ancje altris contignûts simpatics su Maman!

Sta per tornare Maman!, la trasmissione che da anni accompagna i più piccoli alla scoperta della lingua friulana attraverso il gioco, la musica, la fantasia e il divertimento. Un successo che continua nel tempo e che si rinnova con una nuova stagione ricca di sorprese, confermando Maman! quale appuntamento in friulano dedicato ai bambini, più longevo e riconoscibile.

La data da segnare sul calendario è venerdì 9 ottobre, alle 18.30, quando Daria Miani, insieme al suo inseparabile gatto Vigji, e Desiree Chiappo Debegnach, la sua simpatica “vicina di casa”, torneranno su Telefriuli (canale 11) per dare il via a una nuova avventura. Fino al prossimo giugno, Maman! sarà in onda ogni venerdì alle 18.30, con repliche la domenica alle 7 e alle 13.

Maman! è frutto della co-produzione fra ARLeF e Telefriuli.  Attraverso il gioco, la narrazione e la scoperta, anche in questa nuova stagione Daria e Desiree avvicineranno i più piccoli al plurilinguismo, facendoli entrare in contatto con il friulano in modo naturale e divertente e dimostrando ai genitori i tanti vantaggi cognitivi e comunicativi legati alla conoscenza di più lingue fin dalla tenera età.

A confermare la formula vincente di Maman! tornano alcune delle rubriche più amate dal pubblico. In “Fasìn un zûc”, i bambini potranno mettersi alla prova con quiz, giochi e indovinelli, mentre “La cusine Bete”, l’eccentrica “cugina” di Daria, proporrà ai più piccoli di giocare con l’inglese e il friulano per imparare tante parole nell’una e nell’altra lingua. A giocare con le lingue, ma in friulano e tedesco, ci sarà inoltre la piccolissima Corinna che vive a Stoccarda con i suoi genitori, protagonista di alcuni cameo con Daria.  Dopo la sua apparizione nella scorsa stagione, che ha conquistato il pubblico dei più piccoli e delle mamme, torna inoltre Ketty: sarà protagonista della rubrica dedicata al trucco Ce sbelet cun Ketty!, che coinvolge bambine e bambini.  E non poteva mancare un altro amatissimo protagonista: “Spiçut il riçut”, il cartone animato dedicato soprattutto ai più piccoli, che racconta le avventure, le emozioni e le scoperte di un dolcissimo riccio e dei suoi amici.

Tutte le puntate della nuova stagione della trasmissione saranno disponibili anche sulla tv on demand di Telefriuli così come sul canale YouTube e sul sito dell’ARLeF, dove sono già presenti le quasi 300 puntate delle precedenti stagioni. Qui i bambini troveranno anche altri simpatici contenuti su Maman!