„Pedies“

Ence chesta setemèna l é a la leta l nef apuntament de “Pedies”, rotocalch ladin de informazion, ruà a la puntata n. 551. I argomenc de chesta puntata l é: “Imprescions” la mostra di depenc a elech de Fernando Brunel, fajon cognoscer i Popcorner l grop fascian che tolarà pèrt al Ladiniatour e Tania Detomas se porta dant te la rubrica “Svampol ciatarul: jent che fèsc jerveèr sie cunst”.

Inaudèda enstadì la mostra “Imprescions” del artist fascian Fernando Brunel. I bie chèdres a elech che palesa l’amor del artist per i colores e l contrast, e ence per i paesajes de nosc raion, i é stac porté dant co la musega de Sabina Willeit, compagnèda al piano da sie om Giorgio Fasciolo, che à ciantà la cianties del Canori. Se pel veder la mostra sa Vich te Tobià de Val enscin ai 23 de aost.

L’Union generèla di ladins dla Dolomites met endò a jir l Ladiniatour, event de musega moderna con cianties per ladin. Dai 2 ai 4 de otober a Urtijei, a Cianacei e a la Ila, musizisć ladins portarà sun paladina si toc per ge dèr sbunf a la musega per nosc lengaz mère. Per se enjignèr a chest event ve portaron dant i gropes, ciantarins e ciantarines de la trei valèdes ladines che tolarà pèrt a chesta neva edizion del Ladiniatour. Per prum jon a cognoscer l grop Popcorner da Fascia.

Te la rubrica “Svampol ciatarul, jent che fèsc jerveèr sie cunst” olache fajon cognoscer personajes da la ladinia che à capazitèdes o stories foradeanter, se porta dant Tania Detomas. Tania ne conta de coche e precheche la é doventèda maestra de yoga e de coche la meditazion e l yoga ge à didà a troèr le responetes per stèr ben te l’ènema e tel corp.

I reports de chesta setemèna i é stac enjigné e porté dant da Doris Valentini e Angela Pederiva.

Traduzion di Servijes Linguistics e Culturèi del Comun general de Fascia – La versione in lingua italiana di questo articolo verrà pubblicata nei prossimi giorni qui su UT2