A spetzialega progråmatziong übar di stòregen zungmindarhaitn
A spetzialega progråmatziong übar di stòregen zungmindarhaitn – zimbar, ladinar un möknar – bart khemmen gemacht von 20 von hoachnach sin atz 28 hoachnach von djar 2022 aftz History Lab, kanàl 602 von earde didjitàl un in streaming aftz hl.museostorico.it.
Di Stiftung Museo Storico, drinn in an akòrd boda iz khent untarschribet pinn Dianst vor di zungmindarhaitn un européan audit vodar autonome Provintz vo Tria hatt gemacht mearare video aftz dise drai fölk un aftz soinar stòrdja. ’Z soinz drai toaln von progråmm “I LAB” boda lazzan seng bazta tüan di drai kulturinstitüt, ladinar, möknar un zimbar un no darzuar vüchtza toaln – vünve vor aniaglana zungmindarhait – vo “Un’immagine una storia”, boda, partirante vodar stòrdja gem zuar zo macha an khurtzan viazo in di zait: a modo zo khenna di traditziongen vo disan kamöüschaft.
Da untar di date, di titln un baz ma bart seng:
Fintzta aftz 20 von hoachnach di 21.00 un di 22.30
I LAB: ISTITUTO CULTURALE MÒCHENO/BERSNTOLER KULTURINSTITUT
In disan toal redetma von Mòcheno/Bersntoler Kulturinstitut pitt soinar arbat zo schütza di zung un von arbatn von museo un von arkìf. ’Z khemmenda gehöart dar direktor Mauro Buffa, dar vorsitzar Luca Moltrer un di prfesören un vorsitzaren von Bizzkomitàtt Federica Ricci Garotti, di museo zuarhaltaren Claudia Marchesoni un dar didaktik ågestèllte Simone Maistri.
Vraita 21 hoachnach di 21.00 un di 22.30
I LAB: ISTITUTO CIMBRO/KULTURINSTITUT LUSÉRN
In disan toal geatma atz Lusérn a lånt vo pèrge bodase vinnt atz schiar 1300 mètre höache zo khenna in Zimbar Kulturinstitut Lusérn un di stòrdja von folk boden gehöart, a folk boda no redet an alta taütscha zung. Dar Kulturinstitut hatt azpe zil zo geba vèrt disarn zung zo schütza un vürzovüara in etnografege un kulturàl schatz vodar kamòuschaft vo Lusérn. ’Z khemmenda gehöart dar direktor Willy Nicolussi Paolaz dar ågestèllte Fiorenzo Nicolussi Castellan, berda nåsteat dar komunikatziong Stefano Nicolussi Castellan Galeno un di kulturàl asistént Valentina Nicolussi Castellan.
Såntzta 22 hoachnach, di 21.00 un di 22.30
I LAB: ISTITUTO CULTURALE LADINO/ISTITUT CULTURAL LADIN
In disan toal geatma zo khenna in Istituto Culturale Ladino/Istitut Cultural Ladin “Majon di Fascegn”. Dar Institut kan soin setz atz Sèn Jan de Fascia, darzuar in groaz vèrt bodar hatt vor di kamòuschaft, haltetar offe a spetzializarata bibliotèk un a bichtegar stòrege, leteratùr un forografege arkìf. In Institut izta gepuntet dar Ladinar Muséo vo Fascha boda gitt groazan vèrt in auzlegom un in edukatìf dianst: ’z khemmenda augelekk laboratòrie, didaktik aktivitét un arbatn auzbene. ’Z khemmenda gehöart di dirèktören Sabrima Rasom, di bibliotekardja Alberta Rossi, di zuarhaltaren Daniela Brovadan un berda nåsteat in edukatìf dianst Martina Chiocchetti.
Menta 24 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Earstar toal: daz höcharste håbe von Dolimìtn
Zboate toal: a zimbar insel afte hoachebene
Draite toal: da taütsch schual vo Palai in Bernstol
Erta 25 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Viarte toal: di kråmar von möknar: komertschént un båndrar
Vünfte toal: daz groaz vaür vo Lusérn
Sèkste toal: dar ladinar vaschom
Mitta 26 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Simmte toal: werk Lusérn un daz kriage
Achte toal: di optziongen in Bernstol
Nöünte toal: balda iz khent augemacht di schützhütt Contrin
Fintzta 27 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Zente toal: an auzseng atzMoena
Ullefte toal: di höff von Bernstol
Zbölfte toal: di schualn vo Lusérn
Vraita 28 hoachnach, di 12.00 un di 19.00
UN’IMMAGINE, UNA STORIA: SPECIALE MINORANZE
Draitznarste toal: ’z gekhnöppla a traditziong vo djarhundartar
Viartznarste toal: Musìl un daz kriage in Bernstol
Vuchtznarste toal: di traditziong von koskrìttn in Fassa tal
Di toaln bartn khemmen gelatt seng atz History Lab, kanàl 602 von earde didjital un in streaming aftz hl.museostorico.it.
ma bartze mang seng o affon kanàl youtube vodar Stiftung Museo storico von Trentino: youtube.com/museostorico
Übarsetzt von Schaltarle vor di zung von Toalkamou vodar Zimbar Hoachebene
