Una Terra… cinque Lingue: Miec fèr acort

Te duta la rejonèdes l é manieres de dir e dic da zacan  che i é desche picola mizacoles de l saer de nesc veies.  Vèlch outa l é fregoles de ferstont e fondament, autra outes l é rejonèdes da grignèr o pizochentes.  La rejonèda fascèna la é richenta de dic e parlèdes da n’outa e nos jon a ve n fèr descurir velgugn. Anché na rejonèda da fondament.

Miec magnèr dut chel che se à che dir dut chel che se sà.

Chesta l é na rejonèda da zacan che fossa da tegnir semper a ment. No saon perchche i dijea de “magnèr dut chel che se à”.

Saon duc che l é bona maniera, canche se magna,  tegnir la bocia serèda e no rejonèr, ence perche che l é l risech de ge spudèr tel mus ai etres. 😊

Donca che assane pech o trop da magnèr, l é miec fèr acort e  no dir nia, ne de bon ne  de zomp. Coscita se cognessa fèr soraldut canche se sent ciacoles, enceben che saassane vèlch de più,  l é miec tegnir la bocia serèda donca tejèr.

E no demò chest.

L é  miec no contèr massa de nesc fac e amò de manco di fac di etres! L mior fondament l é fèr acort!

Per anché l é dut, stajé ben e a n autra più bela!

In tutte le lingue ci sono detti e proverbi che provengono dai ricordi e dalle esperienze di vita dei nostri nonni. Alcune volte sono briciole di saggezza e buonsenso, altre volte sono detti divertenti o pungenti. La lingua ladina fassana è molto ricca di massime e noi vorremmo farvi scoprire alcuni di questi proverbi.  Oggi vi proponiamo una massima di saggezza.

Miec magnèr dut chel che se à che dir dut chel che se sà.
Traduzioone letterale: Meglio mangiare tutto quello che si ha che dire tutto quello che si sa.

Questo detto è da tenere sempre presente.

Non sappiamo il motivo per il quale è meglio “mangiare tutto quello che si ha”.  Tutti sappiamo che è buona educazione mangiare con la bocca chiusa, in quanto vi è il rischio di sputare in faccia a chi ci sta vicino.

Dunque, quando si mangia, che sia poco o tanto, non si dovrebbe parlare sia nel giusto che nello sbagliato. Questo è un saggio comportamento, soprattutto quando si sentono chiacchere o dicerie. Pur essendo a conoscenza di fatti e dettagli è sempre meglio non dire nulla.

E non solo. È molto meglio non raccontare troppo dei fatti nostri e soprattutto meno dei fatti degli altri. La miglior saggezza è tacere.

Per oggi è tutto, arrivederci alla prossima volta.