Ulten sogg NA!

Gonz in Aufong steaht des „A“ – „A“ wia die Alperia
„A“ wia „Arnos Volkspartei“, „A” wia “Amort” – ietz loust lei!
Für enk zählt lei der mords Profit, `s Huametgfühl der Ultner nit!
Koan Wunder, dass sich Ulten wehrt, denkt amol a umgekehrt
Mit enk tat jemand, wia er will, wart es zem sicher a net still
Sellaweign braucht`s jo net denken, dass mir noumol inser Tol verschenken

Gonz in Aufong steaht des „A“ – „A“ wia die Alperia
„A“ wia „Arnos Volkspartei“, „A” wia “Amort” – voll dabei
Mocht und Geld sein ihr Begleiter, za bringen ihre Pläne weiter
Knollhort gegnen Umweltschutz, fokussierter Eigennutz
Für sui alloan tat es sich lohnen, Energie in groaße Dimensionen
Die Loscht trog inser Ultentol – traurig, traurig Südtirol!

Gonz am Ende steat a NA! – NA za der Alperia
NA za enkern Groaßprojekt und noumol NA, dass es es checkt!
JO za insern ruhign Tol, der Leit und a der Viecher Wohl
JO za insrer guatn Luft, Londwirtschoft und Bluamenduft
Für inser Tol sou wunderschian, wern mir olle zommastian!
Denn gor a jeder wissen soll’s: HUAMET ISCH DER ULTNER STOLZ!