Una Terra… cinque Lingue! -L prum Fotograf ladin

Tel 1839 l’é vegnù fora la pruma fotografìes. Donca sarà sozedù adinfal o fosc l’era destin che tel medemo an, ai 23 de november l’é nasciù a Grìes Franz Dantone Pascalin e l’é doventà l prum fotograf ladin?

No l saron mai. Franz Dantone l’é nasciù te na pera familia e  de nence amò 20 egn,  l’à cognù se n jir al Lont fora per i paìjes todesc a lurèr de murador e tisler.

L’era n jon n muie curious e avert a la neves de chi tempes e belapontin l’é jit a Monaco tel Baiern  apede n maester fotograf  a emparèr chel nef  mestier.

L l’à emparà tant delvers che ja tel  1868 l’à ciapà l passaport co la califica de “fotografo e coloritore”.

L’à zirà per duta Europa a fèr foto e ja del 1893 a Dispruch e del 1895 a Salzburg l’à metù fora doi mostres con passa 300 foto.

Per n trat de temp l se à  enciajà a Busan olache dant l’à lurà tel studie de fotografìes “Dantone & Knoll” e dò l’à avert na sia boteiga e studie fotograf te la Raingasse.

Vegnù de retorn te Fascia l’é jit  stroz su per duta la Dolomites  e l ne à lascià n arpejon storica de noscia val e noscia jent dassen de gran valuta.

L’é jit ence fora de Fascia a fèr foto, n val Aurina, Fodom, Falzarego,  Fiem, Cembra, Piné,  Lavaron e  Luserna.

L’à tout ju la crepes, i paìjes, la persones, families , militères,  festes de paìsc, desgrazies desche egajons e feghes.

De gran valuta l’à tout ju  i lurieres de canche l’é stat fat su la cèses da mont soraldut chela de Contrin fata su da l’Alpenverein todesch.

L’aea n gran aparat e lèstes de vierech n muie pesoches.

L jia su per mont,  enscin olache  l podea col musciat, do l se tolea dut  sie materièl su la schena e l jia amò più n su per fèr foto da l’aut che amò aldidanché les é maraveouses.

Per viver e tirèr su la familia, ajache, anter n mestier e l’auter,  l se aea ence maridà con Maria Unterhauser  e i aea abù trei picoles, l’aea avert ta Grìes n ostarìa olache l venea vin ma l fajea ence foto ai avantores.

Franz Dantone Pascalin l’é stat ence n om che à dat n muie a la comunanza.

L’à metù su e l’é stat l prum president de la pruma sezion de l’Aplenverein  de Fascia, l’à envià via i lurieres per fèr su la cèsa da mont Contrin e chela de Antermoa.

De tanta  uties da mont fates su te chi egn alò,  l’à lascià  la fotografìes di lurieres e de l’enaugurazion.

Per chesta fotografies, da la direzion generèla  de l’Alpenverein Todesch l’à abù  gran laudes.

Jun Busan l’à fat l cors per doventèr capitan di studafech e del 1884 l’à metù ensema l grop di studafech volontadives de Cianacei e sia frazions, compran per cont del comun  ence la mondures e la pompes.

L’é stat capofrazion de Grìes, l’à metù su e l’é stat president de la sozietà de bandiera, e l’à tout pèrt ai prumes veresc de la pruma Union di Ladins de la Dolomites.   

L’é stat deputat a la Dieta de Disproch, l fajea pèrt de la Volksbund   e  l domanèa  l’ensegnament del todesch te la scoles.

L stimèa l’emperador e l respet di popui che l’era te l’Imper, alincontra no l podea veder i “irredentisti”, l ge dijea “banditi” e per chesta rejon l’é ence stat chiamà a lita.

Chest l’à destrametù e ge à fat n muie mèl.

Ti ultimes egn de sia vita  l’à fat jir la cèsa da mont Contrin olache ai ghesc l ge contèa la contìes de noscia val che dapò les é states scrites ence da Karl Felix Wolf che l’aea cognosciù ja jun Busan.

Franz Dantone Pascalin l’é mort  ai 2 de mèrz del 1909 zenza veder, per sia fortuna  chel che l’é sozedù do la Gran Vera canche  te noscia val l’é ruà i Taliegn.

L materièl che  Franz Dantone Pascalin durèa per fèr foto l’é ruà enscin a nos e paa la speisa recordèr co che la é stata.

Sie aparat e la lèstes les fossa jites perdudes, petèdes da sie parents te la Veisc, se no fossa stat per l’anteveder de Francesco Dezulian del Garber che les à salvèdes, tegnudes su e rencurèdes bel delvers, les fossa jites destrabonides per semper.

Francesco  ge les à lascèdes a sie  fi Franco del Garber, ence gran pascionà de foto che l’à metù gran vèrda che nia vae roinà

Ades l’é dut te man  del  jon nez Lorenzo Dezulian del Garber,  che con gran pascion l les à moscèdes te na scomenzadiva de l’Istitut Cultural Ladin de Fascia.

Chest joenet l’à tel cef n gran e bel proget che ge auguron dassen de esser bon de arjonjer.

L volessa, se l troa i finanziamenc, fèr l restaure de la 927 lèstes, les cataloghèr e digitalizèr e dapò fosc ence fèr na publicazion.

Fossa dassen n muie bel che l’ensomech del jon Lorenzo Dezulian l doventassa ajache la fotografìes che l’é sun chela lèstes, valguna  nence mai veduda da nesciugn, fossa n melaur fotografich e storich de zis gran valuta per duta la comunanza de Fascia.

Bibliografia

“Grìes  –  stories de na comunanza”

“Fassa e dintorni”

“Un rifugio una storia Antermoia 1911 – 2011”

Nel 1839 venne pubblicata la prima fotografia.

Sarà dunque stato un caso o forse destino che nello stesso anno il 23 novembre nascesse a Grìes, frazione di Canazei, Franz Dantone che poi sarebbe divenuto il primo fotografo ladino fassano?

Non lo sapremo mai, ma vale sicuramente la pena scorrere i tratti salienti della sua vita. Franz Dantone nacque in una famiglia molto povera e da giovane, prima ancora di aver compiuto i 20 anni, emigrò in Germania dove lavorò come muratore e falegname.

Era comunque un giovane molto curioso e aperto alle novità del suo tempo, così si trasferì a Monaco di Baviera, presso un maestro fotografo per imparare il nuovo mestiere.

Apprese l’arte della fotografia così bene che già a 29 anni, nel 1868, il suo passaporto riportava la qualifica di “Fotografo e coloritore”.

Viaggiò in tutta Europa e le sue fotografie vennero esposte in due mostre, la prima a Innsbruck nel 1893 e due anni più tardi a Salisburgo, dove si contavano più di 300 scatti.

Per alcuni anni visse a Bolzano, lavorando nello studio fotografico associato “Dantone – Knoll”, successivamente ne aprì uno tutto suo nella Reingasse.

Ritornò in Val di Fassa e immortalò le Dolomiti lasciandoci un patrimonio fotografico e storico di un valore immenso.

Girò per tutta la regione, si spinse fino in Valle Aurina, poi nel Trentino Meridionale, a Luserna e Lavarone, e ancora nelle vicine Val di Fiemme, Val di Cembra e Piné.

Ritrasse montagne, paesi, persone, famiglie, soldati, feste di paese, lavori, inaugurazioni, incendi e alluvioni.

Di fondamentale importanza storica sono le sue fotografie della costruzione del rifugio Contrin ad opera dell’Alpenverein Austro-Tedesca nel 1897, rifugio al cospetto dell’imponente versante sud della Marmolada, che Franz Dantone poi gestì negli ultimi anni di vita.

Ci ha lasciato scatti stupendi delle Dolomiti dove si inerpicava portando, fin dove era possibile a dorso di un mulo e poi a spalla, i suoi pesanti attrezzi del mestiere: un enorme apparecchio e delle spesse lastre di vetro.

Nel frattempo si era sposato con Maria Unterhauser, dalla quale aveva avuto tre figlie, ma poiché il mestiere del fotografo rendeva poco, per vivere e mantenere la famiglia aprì a Grìes, suo paese natale, un’osteria dove accoglieva i clienti con un bicchiere di vino e scattava loro fotografie.

Franz Dantone Pascalin fu anche un uomo con un profondo senso di servizio per la comunità.

Fondò la sezione di Fassa dell’Alpenverein, della quale fu primo presidente, avviò quindi la costruzione dei rifugi Contrin e Antermoia, naturalmente documentando tutto attraverso la lente.  Per questo incarico, per i lavori di costruzione e per la documentazione fotografica, ricevette elogi dalla direzione generale dell’Alpenverein Austro-Tedesca.

A Bolzano frequentò il corso e conseguì il certificato di Capitano dei vigili del fuoco, grazie al quale istituì il primo gruppo di vigili del fuoco volontari di Canazei nel 1884.  Fu il primo comandante e per incarico del comune comprò le divise e le prime pompe.

Ricoprì la carica di capo frazione di Grìes, fondò la Società di Bandiera, e prese parte ai primi passi dell’Union Generèla di Ladins de la Dolomites.

Fu deputato alla Dieta di Innsbruck, fece parte del Volksbund, chiese e ottenne l’insegnamento del tedesco nelle scuole.

Aveva grande stima dell’Imperatore e rispetto dei popoli e delle culture che vivevano nell’Impero Austro Ungarico. Al contrario, non vedeva di buon occhio gli irredentisti, che lui chiamava “banditi”. Per questo dovette difendersi in tribunale, cosa che lo demoralizzò e addolorò molto.

Gli ultimi anni della sua vita li passò al rifugio Contrin dove soleva raccontare agli ospiti le leggende delle Dolomiti poi riprese da Carl Felix Wolf che lui conosceva fin dai tempi in cui abitava a Bolzano.

Franz Dantone Pascalin morì il 2 marzo 1909 senza vedere, per sua fortuna, i tristi accadimenti della Grande Guerra e gli effetti del dopoguerra sulla sua terra natia.

Non possiamo concludere questo articolo senza ricordare un fatto davvero eccezionale.

L’apparecchio fotografico e 927 lastre, molte delle quali inedite, sono state salvate e sono arrivate fino a noi.

Gli eredi di Franz Dantone stavano per disfarsi dei beni dell’avo buttando tutto nel fiume Avisio, apparecchio e lastre comprese, ma per fortuna Francesco Dezulian se ne accorse in tempo e chiese di poterle avere.

Custodì l’attrezzatura passandola poi al figlio Franco, anche lui appassionato di fotografia, e ora sono state ereditate dal nipote Lorenzo Dezulian.

Grazie al giovane Lorenzo e all’Istituto Culturale Ladino di Fassa la comunità della Valle ha potuto osservare questa preziosissima eredità storica fotografica.

Lorenzo Dezulian ha un sogno nel cassetto, che gli e ci auguriamo diventi realtà: se riuscisse a trovare i finanziamenti necessari, vorrebbe restaurare le antiche lastre, recuperare le fotografie e digitalizzarle. Sarebbe davvero un’opera di valore inestimabile per tutta la comunità di Fassa.

Bibliografia

“Grìes” stories de na comunanza  – libro della frazione di Grìes.

“Fassa e dintorni” – libro fotografico

Un rifugio una storia Antermoia 1911 – 2011