Una Terra…cinque lingue – La giornèda de l’Autonomìa

La giornèda de l’Autonomìa che vegn fata ai 5 de setember dal 2009 encà tel Trentin – Südtirol, la me lascia semper mìngol de braus te bocia. La rejon la é sobito dita.  L minister talian de enlouta Alcide Degasperi canche l’à sotescrit l document  de Paris ai 5 de setember del 1946 ensema al minister austriach  Karl Gruber, l’aessa podù comedèr ite la gran ferida fata dal fascism  ai ladins.

Enveze nia.

Te  chela cordanza no l’é stat scrit nence na parola su la picola mendranza ladina. Amò ades i ladins i padesc de la spartijon fata dal fascist Ettore Tolomei che l conscidrèa i ladins “na macia grija da descancelèr”. Per grazia nesciugn é stac bogn de descancelèr i ladins aboncont l tort che l’é stat  fat l’à portà a desvaliva normes de stravardament de la valèda ladines. Gherdena e Badia, con Busan,  ajache te la cordanza l’é stat metù che vegne stravardà la mendranza todescia del Südtirol l’à abù vèlch norma de defendura de più e più prest de duta la autres. Fascia con Trent  l’à cognù combater coi dents per fèr valer si deric. Fodom, Col, Fodom e Ampez con Belun tel Venet  amò aldidanché  stenta a veder recognosciù sie esser ladins leé per storia e cultura al Südtirol. I ladins de Soramont  con n referendum fat tel 2007 i aea dit de voler passèr a la provinzia de Busan, emben dò 13 egn de chest referendum non se à più sapù sapia.

Donca canche vegn rejonà de la cordanza Degasperi –  Gruber me peisse semper colun che fossa stat l destin del picol popul ladin se Degasperi aessa metù te chel document  l stravardament de la mendranza ladina e soraldut se l’aessa scrit de meter ensema  duta la valèdes te na soula provinzia e region.

I ladins ja del 1918, sobito do la Gran Vera  aea fat n document olache i dijea che  per secoi i era stac tiroleres,  i volea  spartir l destin de la mendranza todescia e restèr tel Südtirol. (“Nuovo Atlante Ladino”  di Mauro Marcantoni). Do la seconda vera mondièla , te la gran radunanza stata sun Sela ai 14 de messèl del 1946  amò n’outa i ladins aea domanà de vegnir endò metui ensema te na soula provinzia .

Enlouta Guido Iori Rocia aea manà ence n telegram a Degasperi per fèr valer i deric di ladins de la Dolomites ma chel document no à  nence mai abù na responeta, più che fazile  serà te na crigna de n ofize a Roma. Sui libres de storia de la Ladinia se lec che Degasperi no l’era amich di Ladins  ajache el li conscidrèa taliegn. (“Pitla storia di ladins de la Dolomites”  de Bepe Richebuono). El  l’era n onorevol dant a  Viena  e do a Roma, chesta costion l les cognoscea benon  donca l’aessa apontin podù, te la cordanza de Paris meter endò ensema la Ladinia.

Enveze nia.

Do cent egn da la spartijon di ladins, do 70 egn da la cordanza Degasperi – Gruber la valèda ladines les é semper più dalènc una da l’autra e l solch  ades l’é n muie fon. Chest  met dassen n pericol l davegnir de la rejonèda, l’identità, la tradizions e la cultura del picol popul ladin.

Donca la giornèda de l’Autonomìa averc  na piaa mai varida sù.

L’é ben giust che a l’Autonomìa ge vegne dat luster e vegne fat na giornèda aposta de recordanza, soraldut se vegn endrezà scomenzadives per fèr cognoscer ai jogn la vera storia de noscia Tera, ma enscin canche i ladins restarà spartì sun trei provinzies e doi regions, a mi me restarà semper mìngol de braus te bocia.

L’amaro in bocca di una ladina nella giornata dell’Autonomia

Nel 2009  è stata istituita la Giornata dell’Autonomia, si svolge il 5 settembre per ricordare l’accordo di Parigi che ha sancito l’autonomia alla regione Trentino – Südtirol. Questa giornata mi lascia sempre un po’ d’amaro in bocca. Il motivo è molto chiaro.

Il 5 settembre del 1946 quando il ministro italiano  di allora Alcide Degasperi ha firmato l’accordo con il ministro austriaco Karl Gruber avrebbe avuto la possibilità di sanare la grande divisione del popolo ladino dolomitico perpetrata  durante il ventennio fascista.

Invece non l’ha fatto.

Ancora oggi i ladini soffrono della spartizione decisa dal fascista Ettore Tolomei il quale affermava che “I ladini sono una macchia grigia da cancellare”. Per fortuna nessuno è riuscito a cancellare il piccolo popolo ladino ma la ripartizione ha portato a sostanziali differenze di tutela. Le vallate di  Gardena e Badia in provincia di Bolzano  hanno avuto maggiore difesa  in tempi più brevi beneficiando del fatto che nel Südtirol veniva garantita la tutela della minoranza linguistica tedesca e quindi di riflesso anche della minoranza ladina. La val di Fassa in provincia di Trento  ha combattuto fino allo stremo per far valere i suoi diritti.  Livinallongo, Colle Santa Lucia e Ampezzo in provincia di Belluno nella regione Veneto hanno ancora oggi  la minore tutela. Faticano a far valere la loro identità  ladina e la loro appartenenza per storia e cultura al Südtirol. I ladini della  provincia di Belluno con un referendum svoltosi nel 2007 hanno espresso quasi all’unanimità di voler tornare in provincia di  Bolzano. Sono passati 13 anni e quel referendum è rimasto lettera morta in fondo a un cassetto in chissà quale ufficio romano.

Quindi quando si parla dell’accordo Degasperi – Gruber penso sempre a quale sarebbe stato il destino del piccolo popolo ladino se Degasperi avesse inserito nel documento la tutela dei ladini e soprattutto avesse sanato la divisione  riunendo le vallate ladine in una sola provincia e regione.

I  Ladini già nel 1918 subito dopo la fine della grande Guerra avevano firmato un documento dove c’era scritto “ Il destino dei Sudtirolesi tedeschi sia anche il nostro destino. … Tirolesi siamo e tirolesi vogliamo restare.” ( dal libro “Nuovo Atlante Ladino” di Mauro Marcantoni)

Finita la seconda guerra mondiale, il 14 luglio 1946 nel grande raduno al passo Sella i ladini chiedevano a gran voce che le vallate ladine siano riunificate in una sola provincia. Il fassano Guido Iori Rocia, il giorno dopo, aveva spedito un telegramma a  Degasperi con le richieste dei ladini, quel documento non ha avuto nemmeno mai una risposta. Degasperi era parlamentare prima a Vienna e poi a Roma, quindi conosceva bene  le vicende dei Ladini dolomitici, avrebbe potuto se avesse voluto nell’accordo di Parigi, riunire la Ladinia!

Ma non l’ha fatto.

Nei libri di storia si legge “Degasperi non era amico dei ladini perché non li riconosceva come gruppo etnico per lui erano italiani”. ( dal libro “Pitla storia di ladins de la Dolomites” di Bepe Richebuono).

Dopo 100 anni dalla divisione, dopo 70 anni dall’accordo Degasperi  – Gruber  la spaccatura fra le vallate è sempre più profonda. Questo è un grave pericolo per il futuro della lingua, le tradizioni e la cultura del popolo ladino. Quindi la giornata dell’Autonomia apre una ferita mai rimarginata.

È giusto che si dedichi una giornata  all’Autonomia soprattutto se si organizzano eventi e iniziative per far conoscere ai giovani la vera storia della nostra terra ma finché i Ladini rimarranno divisi fra tre province e due regioni, questa giornata mi lascerà sempre un po’ di amaro in bocca.