Una Terra … cinque Lingue! – La legna

E … l’era sobito ciaut …

Veide amò mia mère che envìa via l fech te sporert.

N pugn de scedoles, doi zecoi n crousc e n forminant.

L’usc de barcon mìngol avert a fèr vegnir ite aria.

La scedoles scomenza a èrder, l fech vegn inant e ciapa ence i zecoi.

L’é ora de meter ite toc de legna più gregn.

Mia mère chier fora legna biencia de pec che la taca sobito.

Ades l fech l cianta.

L’é ora de meter ite i rames che i bruja mìngol più pian e i tegn borei.

L sporert l’é fers.

E… l’é ja bon ciaut.

Chisc scempies pensieres me à fat jir de retorn tel temp, me é vegnù tel cef recorc da zacan canche emparaane ja da bec, a tizèr e l gran valor che à la legna da èrder.

No l’era jent studièda o maestres a ne ensegnèr, dut vegnìa emparà vardan nesc genitores te la vita de duc i dis.

Me recorde che jiaane a mateèr sul pèscol, n or su l bosch e mia mère ne dijea de no vegnir a cèsa zenza se tor dò n ram.

Te gofa aane semper n sforzin, leaane ite un o doi rames, vèlch outa ence na picola ponta troèda via per ja bas.

Tiraane dut  fin apede bait de la legna.

Na di co l’autra per n muie de dis d’istà.

Canche scomenzèa l’uton, enlèngia ju l bait, l’era na belota assa de rames che dò vegnìa fac su col manarin.

I omin jia dis e dis tel bosch a taer peces e lèrjes, i fajea su n’assa de bores che dò cognea vegnir menèdes a cèsa.

Me recorde amò na sera che mie père e Micelin de Frecol che aea l ciaval, i é rué a cèsa co la bores da scur, l piovea, i era moi, giacé e stencé.

Mia mère i à fac vegnir ite te stua,  la ge à dat zeche da ciaut da beiver e na bona supa da orc.

La bores, metudes a assa te ort, cognea dapò vegnir seèdes via, fat boreles, e do col manarin fat su i toc de legna.

Chisc l’era mestieres da fadìa che fajea i omin.

Canche te bait l’era bela legna fata su scomenzèa l lurier di bec.

Duc i dis d’invern sobito do scola o do aer marenà, i cognea portèr legna enscin te cèsa.

I più picoi  portèa zecoi te brac, i gregn portèa cassetes de rames e legna biencia.

Sentèda sun cassa da la legna é prest emparà a fèr scedoles, rischies e zecoi co na veia baioneta de la Gran Vera.

Mia mère tizèa.

E … l’era sobito ciaut.

Da sera vegnìa vardà che dut sie dejardù ju che no abie a vegnir fora fech de net, l pericol l’era massa gran!

Dadoman bonora, canche te sporert l’era dut freit, dant de tizèr endò,  se tolea fora l cender e se l portèa te ort. Coscita  d’aisciuda vegnìa na bona tera per semenèr chel pech che vegnìa te chesta noscia val da mont.

Chisc l’é scempies pensieres per recordèr co che aon emparà a jir a legna, a tizèr e a vardèr via l  fech.

L’é  recorc da zacan che soraldut ne fèsc entener l gran valor de la legna da èrder che la sera ite fadìa e suor  ma ence n muie de amor.

E … l’era sobito ciaut.

Ed … era subito caldo …

Vedo mia madre che accende il fuoco nella stufa.

Alcuni trucioli, tre o quattro legnetti incrociati e un fiammifero.

La porta del poggiolo è aperta per far entrare un po’ d’aria.

Il fuoco si avvia.

Ardono i trucioli ed anche i legnetti.

È ora di mettere legna più grossa.

Mia madre cerca pezzi di abete che ardono facilmente.

Adesso il fuoco canta.

È il momento giusto per mettere i rami di larice e di abete, che bruciano più lentamente ma fanno brace.

La stufa adesso è rovente.

Ed… è già caldo.

Questi semplici pensieri hanno risvegliato in me ricordi di un tempo.

Mi hanno rimandato al sapere di una volta, quando già da piccoli ci insegnavano ad accendere il fuoco nella stufa per comprendere così il grande valore della legna da ardere.

Non servivano esperti o insegnanti, tutto ci veniva tramandato con semplicità dai nostri genitori.

Questa era la vita di ogni giorno.

Ricordo che giocavamo sul pascolo al limitare del bosco e la mamma ci raccomandava di non tornare a casa senza portare un ramo o un pezzo di legna.

In tasca avevamo sempre una funicella.

Legavamo alcuni rami e qualche volta un tronchetto sottile trovato nel bosco.

Trascinavamo tutto fino al capanno della legna che ogni famiglia aveva vicino a casa.

Giorno dopo giorno, per tutta l’estate.

All’inizio dell’autunno c’era una piccola catasta di rami che poi venivano spezzati con l’accetta.

Per giorni e giorni gli uomini si recavano nel bosco a tagliare abeti e larici.

Accatastavano i tronchi che successivamente venivano trascinati a casa.

Ricordo ancora una sera buia, quando mio padre e Michele Mazzel proprietario di un cavallo, rientrarono  dal bosco con i tronchi.

Pioveva, erano fradici, stanchi ed infreddoliti.

Mia madre li fece accomodare nella stube, diede loro qualcosa di caldo e un buon piatto di minestra d’orzo.

I tronchi accatastati nell’orto vicino casa, per farli essiccare, dovevano essere tagliati in ceppi.

Quindi venivano spaccati con l’accetta per farne pezzi di legna da mettere nella stufa.

Erano lavori pesanti e faticosi fatti dagli uomini.

Quando il capanno era pieno di bei pezzi di legna iniziava il lavoro dei bambini.

Tutti i giorni d’inverno, tornati da scuola o subito dopo pranzo, dovevano portare la legna in casa.

I più piccoli portavano bracciate di legnetti, i grandicelli cassette con pezzi di legna e rami.

Seduta sulla panca della legna in cucina ho imparato presto a fare trucioli e legnetti con una vecchia ma affilata baionetta, residuo della Guerra.

Mia madre accendeva il fuoco. Ed … era subito caldo.

La sera ci si accertava che nella stufa tutto fosse spento, perché grande era il pericolo di un incendio notturno.

La mattina presto, prima di riaccendere il fuoco, si toglieva la cenere che veniva sparsa nell’orto.

In primavera c’era così una buona terra, pronta per seminare quel poco che la terra può dare alle nostre altitudini.

Questi semplici pensieri mi hanno ricordato come abbiamo imparato ad accendere la stufa e gestire il fuoco. Sono pensieri, che sopratutto ci fanno capire il grande valore della legna da ardere, che racchiude in se fatiche e sudore ma anche tanto amore. Ed … era subito caldo ….