Una Terra…cinque lingue! – Don Jan Batista Massar, canonich e benefator de Fascia.

Te la valèda ladines, che se strenc entorn a l maraveous grop de la crepes del Sela, da secoi  vif l picol popul ladin con sia storia, sia rejonèda, cultura e identità

N picol popul fat de jent lurenta, persones da fondament, omin e femenes che à sapù se fèr onor, dèr luster a sia mère tera e didament sia jent ladina.

Per no desmentièr l passà, ma soraldut per  fèr cognoscer ence a la jona generazions la persones che à fat e fèsc de nos ladins n gran popul, l’Union Generèla di Ladins de  la Dolomites, ja i egn, l’à publicà l liber: “Nosta Jent  – persones e personalitès  dla   Ladinia”. 

Anché, didé dal liber de la Generèla e da n articol de Père Frumenzio Ghetta de Martin publicà tel sit internet de l’Istitut Cultural Ladin de Fascia, jon a cognoscer l Canonich Don Jan Batista Massar.

Jan Batista Massar l’é nasciù ja Vich del 1623, sie père l’era Gaspar Massar che de mestier l fajea l’ost,  sia mère l’aea inom  Margarita Dalle Donne e la era de naa da Sorèga.

L prum maester de Jan Batista, più che fazile, l’é stat l jorman de sie père che l’era l scrivan del Giudìze de Fascia.  Dò l’é jit a studièr a Dispruch olache sobito, ja da jon,  l’à desmostrà sia bona calitèdes tant che l’arziduca Sigismund l l’à enciarià maester di “paggi”.  La ousc la é ruèda a l’emperadora Eleonora che l l’à volù a Viena desche sie capelan e Massar l’é restà aló per ben 17 egn endèna che l jia inant coi studies de filosofìa e teologìa.  Ai 15 de setember del 1667 l’à arjont l titol de dotor n teologìa e l’é stat ordenà preve.

Don Jan Batista Massar te sia vita l’à abù auta  encèries: piovan de Laxenburg, conseier cesareo del Piscop de Viena,  capelan de la Cort Imperiale, canonich e piovan del dom de Sen Stefen a Viena.   Del 1676 l piscop de Viena l ge dèsc l’encèria de vicare generèl de la diozesa.  Del 1683 l doventa prevost mitrà del Dom de Sen Stefen, donca ence aministrador de duc i bens  e apede l vegn enciarià  Retor de l’università de Viena.

A Viena l’à vivù egn dassen ries, la peste e l’assaut di Turches,  l ge à fat front con sia gran fe, l ferstont e   bon cher de cristian.  Del 1679 canche a  Viena l’é crepà fora la peste, l’emperador Leopold e l piscop i é sciampé da la zità lascian  l vicare general Massar da soul.  Con gran ferstont l’à ciapà te man l goern e la  redenes  de la zità desche se fossa stat l capocomun.

L se à cruzià de l’endrez del “lazareto” e ence che la jent abie da magnèr.  Con gran dedizion e sentiment, l’é stat vejin ai malé, l’é jit te la cèses,  l’à preà, benedì e troà paroles de confort per i zitadins coscita proé da chesta ria magagna, che te pec meisc a fat morir n terz de la popolazion.

Del 1683 canche i Turches à tacà Viena e la zità restèda serèda ite per doi meisc, amò  n’outa l se à troà da soul a portèr confort e forza a la popolazion sciotrida e spaentèda.

Enceben che l sie stat dalènc da la Ladinia, che l’abie corì auta encèries, arjont gran nonzech,  no l se  à mai desmentià de sia reisc ladines.  No l’à mai desmentià de esser  nasciù te Fascia e cresciù a l’ombrìa del ciampanil de la pieif de Sen Jan olache l’era stat batejà.

A noscia pieif, che enlouta l’era la gejia mère de dut la val, l’à donà n preziousc calesc valif a chel de la Cèsa d’Ausburg.  Chest calesc, a dir de Père Frumenzio, l’é l più bel de la diozesa de Trent e l vegn durà amò anchecondì te la gran festes.

Auter gran don del Massar a  la comunanza de Fascia l’é stat 800 fiorins de or per paèr l’orghen.  Coscita i fascegn che i ruèa a Messa ja Sen Jan, ja del 1682, i à abù l met de uzèr la lauda a l Segnoredie ence co la musega.

Etres dons de gran valor l’é stat doi ampolines de arjent e na paramenta recamèda de or.

Don Jan Batista Massar no l se à desmentià nience de cotenc sacrifizies che à fat sia  familia  per l fèr studièr.  Per chesta rejon l’à metù a la leta 12.000 fiorins e l’à metù su  la fondazion di studies “Mayr von Mayrsfeld”.  De gra a chesta fondazion, che la é jita inant enscin canche l’é crepà fora la Gran Vera,  n muie de jogn fascegn à podù jir a studièr a Dispruch, doventan dotores, avocac, preves, professores e jent de letra.  La comunanza de Vich ence no à desmentià chest gran preve e l ben che l’à fat per la comunanza e per tegnir vif l recort, del 1985,  ge stat dedicà la scola populèra.

L canonich Jan Batista Massar l’é mort a Viena ai 8 de mèrz del 1699 e l’é stat sepolì te na gejia de  Laxenburg.  L’emperador, per l recordèr,  l’à fat meter na lèsta de mèrmol te la capela de Senta Bèrbola  tel Dom de Sen Stefen a Viena.   Con encresciment chesta lèsta la é stata dessatèda da la bombes endèna la seconda vera mondièla.

Enformazions  

Liber:  “Nosta Jent  – persones e personalitès  dla   Ladinia” – Union Generèla di Ladins de la Dolomites.

Dal sit internet www.istladin.net / Screen/ Tel jir de la storia / Personaggi storici: En Memoria de Jan Batista Massar a treicent egn de la mort.  

Père  Frumenzio Ghetta de Martin. An  1999

Don Jan Batista Massar,  Canonico e benefattore della val di Fassa.

Nelle vallate ladine che abbracciano lo stupendo massiccio dolomitico del Sella, vive da secoli il piccolo popolo ladino con la sua storia, la sua lingua, la sua cultura e la sua identità.

Un piccolo popolo di gente laboriosa e saggia. Donne e uomini che nel corso della storia, si sono fatti onore portando lustro e sostegno alla terra natia ma principalmente alla gente ladina.

Per non dimenticare il passato, ma soprattutto per far conoscere alle giovani generazioni le persone che hanno fatto e fanno dei ladini un grande popolo, l’Union Generèla di Ladins de la Dolomites ha pubblicato anni fa il libro “Nosta jent – personalità della Ladinia”.

Oggi con le informazioni estrapolate dal libro della Generèla e da un articolo del 1999 di Padre Frumenzio Ghetta, pubblicato nel sito internet dell’Istituto Culturale Ladini di Fassa, andiamo a conoscere il canonico Jan Batista Massar.

Jan Battista Massar nacque a Vigo di Fassa nel 1623.   Suo padre Gaspar Massar era un oste mentre sua madre Margherita Dalle Donne era nata Soraga.

Il primo insegnante di Jan Batista fu probabilmente il cugino di suo padre che era scrivano del Giudizio di Fassa.  Jan Battista proseguì gli studi a Innsbruck dove già da giovinetto, per merito delle sue grandi qualità, venne nominato dall’arciduca Sigismondo maestro dei “paggi”. La notizia giunse all’imperatrice Eleonora che lo volle come suo cappellano alla corte di Vienna.  A Vienna, mentre proseguiva gli studi di teologia e filosofia, rimase per ben 17 anni. Il 15 settembre 1667 venne nominato dottore in teologia e consacrato sacerdote.

Durante la sua vita ricoprì alti incarichi ecclesiastici, venne nominato pievano di Laxenburg, consigliere cesareo del Vescovo di Vienna, cappellano della Corte Imperiale, Canonico e decano del duomo di Santo Stefano a Vienna. Nel 1676 il vescovo di Vienna lo nomina Vicario generale della Diocesi. Nel 1683 riceve l’incarico di prevosto mitrato del duomo di Santo Stefano, dunque amministratore di tutti i beni. Viene contemporaneamente nominato anche Rettore dell’Università di Vienna.

Il canonico Massar nel corso della sua vita vive eventi davvero drammatici, fra i quali la peste e l’assalto dei Turchi.  Riesce comunque a superare queste avversità con la sua grande fede, la saggezza e il cuore di buon cristiano.

Nel 1679 a Vienna scoppia la peste, l’imperatore Leopoldo con tutta la sua corte e il vescovo scappano dalla città, lasciando da solo il vicario generale Massar a fronteggiare questo momento drammatico. Con competenza e capacità il Massar, come fosse stato il sindaco, prende in mano l’amministrazione della capitale, organizza l’assistenza ai malati, il lazzaretto, le cure a casa procurando anche i viveri per la popolazione. Con umanità e abnegazione si prende cura degli ammalati, visitandoli anche in casa. Prega, benedice e porta parole di conforto alla gente così duramente provata da questa terribile epidemia.  In pochi mesi la peste porta alla morte un terzo della popolazione.

Nel 1683 quando i Turchi assediano Vienna, Massar è nuovamente solo. Nei due mesi di assedio si prodiga a confortare e infondere coraggio agli abitanti impauriti e spaventati.

Nonostante la sua vita si svolgesse lontano dalla sua terra dolomitica, Jan Batista Massar non ha mai dimenticato di essere un ladino.  Lui nato in val di Fassa, cresciuto all’ombra del campanile della pieve di San Giovanni dove era stato battezzato, portava uno struggente ricordo del suo paese.

Alla pieve di Fassa , dove confluivano tutti i fedeli della valle, ha donato un prezioso calice che è la copia del tesoro della Casa d’Austria. Padre Frumenzio diceva che è il più bel calice della diocesi di Trento e ancora oggi viene usato nelle messe solenni.

Altro dono molto importante furono gli 800 fiorini d’oro che, nel 1682, inviò per pagare l’organo della pieve di San Giovanni di Fassa, dando la possibilità a tutta la comunità di Fassa, che si riuniva per la messa, di poter lodare il Signore anche con la musica. Donò anche due ampolline in argento e una pianeta ricamata d’oro.

Don Jan Batista Massar non dimenticò nemmeno i sacrifici che fece la sua famiglia per dargli la possibilità di studiare. Probabilmente per questo motivo istituì la fondazione studi “Mayr von Mayrsfeld” e la finanziò con 12.000 fiorini frutto dei suoi risparmi e delle donazioni ricevute nel corso della vita. Grazie a questa fondazione, che operò fino alla prima guerra mondiale, molti giovani della valle di Fassa ebbero la possibilità di studiare a Innsbruck e diventare avvocati, dottori, professori e uomini di cultura.

Anche il paese natio, Vigo di Fassa, non ha dimenticato questo grande sacerdote benefattore della comunità.  Per tramandare il suo ricordo nel 1985 la comunità di Vigo gli ha intitolato la scuola elementare.

Il Canonico Jan Battista Massar morì a Vienna l’8 marzo 1699 e fu sepolto in una chiesa di Laxenburg. L’imperatore fece mettere nel duomo di Santo Stefano a Vienna una targa di marmo a ricordo del Massar, purtroppo distrutta dalle bombe durante la seconda guerra mondiale.

Informazioni:

 Libro: “Nosta Jent – personalità della Ladinia” – Union Generèla di Ladins de la Dolomites. Dal sito internet www.istladin.net / Screen/ Tel jir de la storia / Personaggi storici: En Memoria de Jan Batista Massar a treicent egn de la mort.

Padre Frumenzio Ghetta – Anno 1999