Una Terra…cinque Lingue! – Senta Maria Maor

Ai 15 de aost l’é la gran festa de Senta Maria Maor e per nesc veies l’é semper stat una de la maora festes de l’an. La tradizion cristièna la recorda che la Mère del Creator  la é stata portèda con ènema e corp dai agnoi sun Paradis.

Chisc egn, te noscia val, te chesta giornèda, nesciugn jia do fegnes, no se jia sa mont e nence a crepes.  I bachegn  vegnìa ju da mont, restèa su demò i pèstres, duc stajea te paìsc, i jia a Messa Grana e i preèa con devozion la Madona. La femenes n vea de la festa enjignèa la manes. L’era  n bel gran ciof de bie fiores de pra e  da mont  ensema con erbes da medejina, no mencèa mai dotrei  reses de ort e dut  era leà  ensema  con na bela cordela de seida.  La manes vegnìa portèdes te gejia olache se spanea daperdut n bon odor de incens, fiores e bosch. Les vegnìa  pojèdes dedant a l’utèr de la Madona e dò messa l preve les benedìa. Dapò se les portèa a cèsa olache les vegnìa fates ite te na bela teila o n lenzel bianch e metudes a secèr sun sot cuert o te na cambra. Chesta erbes era preziouses e nia podea jir perdù! Canche la vaces fajea o l bestiam stajea mèl i ge n meta n piz te l’èga da dabirèr e la besties revegnìa. Fosc no l’era la erbes che fajea varir l bestiam ma la gran fe che aea  nesc veies te la l’aiut de la Madona donca per ic  l merit l’era de la mana benedida.

Senta Maria Maor l’é soraldut la patrona di menacrepes e de duc chi che va o stèsc sa mont. Per chesta rejon ai 15 de aost la guides stajea a cèsa e no les menèa nesciugn a rampeèr.

Aldidanché la festa de la Madona d’aost la rua tel maor temp de lurier e l’é stat  dassen l risech che noscia jent desmentie  l gran valor de chesta giornèda. Fosc per chesta rejon del 1974 Don Tito Vecchietti preve a Ciampedel, Luciano Ploner,  Renzo Favé e Corrado Riz che i era menacrepes à pissà de endrezèr via, a Ciampedel, la festa di “omin da mont”. L’é stat n gran bel pensier! Da enlouta la vegn fata duc i egn.  Vegn dit la messa a l’averta n onor de la Madona, vegn pojà na gherlanda de arbegola dedant al monument de la guides e recordà la storia de l’alpinism fascian. Endèna Messa vegn preà che Senta Maria Maor  vèrde via con sie mantel e sia doucia veièda  duc chi che va sa mont e a crepes, che sie  per lurier o per spas. Vegn dit develpai al Creator per ne aer donà chesta maraveousa val che ne dèsc l met de aer lurier vejin a cèsa per tirèr su noscia families. Se recorda i valores che nesc veies ne à lascià, la fe, l tegnir dur,  la legreza e soraldut l se didèr fora un co l’auter tel besegn. A jir sa mont se fèsc fadìa, i vièi i é erc ma canche se rua sun som i eies  pel goder de vedudes maraveouses, l cher pel troèr pèsc e l’ènema pel se arvejinèr a chel Bel Die  del Ciel. Coscita l’é ence te la vita, se fèsc fadìa a  arjonjer n ensomech, vèlch outa se à besegn de zachei che ne deida a jir inant e canche zacan se rua a piz se proa na gran legreza.

Te chesta giornèda con n grop tel col vegn  recordà  duc i morc de la mont e de la crepes, se domana al Segnoredie e a la Madona che i posse rampeèr su per la bela crepes del Paradis. Aldidanché vegn ence preà perché che nos che stajon te chest raion da mont vardassane via e rencurassane chesta  maraveousa val che l Creator ne à donà per poder la consegnèr amò coscita bela a la generazions che vegnarà dò. Vegn envià i ghesc a jir sa mont con fondament, a no se meter n pericol e  a  respetèr  la natura e i etres.  Soraldut se i envìa a goder, no demò coi eies ma ence col ènema e cher,  chesta gran marevees del creat. A chesta festa tol pèrt  i menacrepes, i Ciamorces de Fascia, l socors da mont, i gropes de socors de val, la lies da mont CAI SAT,  i spions del bosch, i maestres de schi, i alpins,  la autoritèdes,   l grop di Schuhplattler  e la Musega de la val de Sora. L’é aboncont  na festa per duc i omin e la femenes  da mont, ence chi che no fèsc pèrt de  n grop. Pisson ai boschieres, ai pères de familia che va tel bosch a enjignèr la legna,  a chi che rec e la uties da mont, a la femenes che laora tel turism o ti servijes, a cheles che rencura  la families e la cèses,  l’é dut  persones che à fon tel cher l’amor e l respet per la mont.

L’é da se augurèr che Senta Maria Maor vegne semper onorèda co na gran festa ma soraldut che duc troassane n moment per uzèr i eies sun noscia maraveousa crepes e dal cher vegne sćiantiva l’orazion a la Madona percheche la vèrde semper via i fascegn e la Val de Fascia.

Notes:

Informazions dal liber “Usanzes e lurgeres da zacan “ de Simon Soraperra de Giulio – Istitut Cultural Ladin de Fascia  –  Foto storiches dal bolatin “La campana della Pieve”. 

Il 15 agosto, festa dell’assunzione di Maria al cielo, per i nostri nonni è sempre stata una delle maggiori festività dell’anno. Negli anni passati, in questa giornata, nessuno lavorava. Non si raccoglieva il fieno , non si andava in montagna e nemmeno a scalare.

I contadini scendevano dall’alpeggio, nelle baite e nelle malghe di montagna rimanevano solo i pastori.  Le guide alpine non accompagnavano nessuno ad arrampicare. Tutti rimanevano in paese, si recavano alla messa solenne e con grande devozione pregavano la Madonna.

La vigilia della festa le donne preparavano “la manes”.  Erano fastelli di piante medicinali e officinali abbelliti da fiori di prato e di montagna, non mancavano le rose coltivate al margine degli orti; il tutto veniva legato con nastro di seta. “La manes” venivano portate nella chiesa che profumava di incenso, fiori e bosco. Venivano adagiate ai piedi dell’altare della Madonna e al termine della messa il sacerdote le benediva. Questi mazzi di fiori benedetti venivano portati a casa, si avvolgevano in un panno o lenzuolo bianco, quindi messi in soffitta o in un altro luogo asciutto a seccare. Nemmeno un petalo o una semente doveva perdersi. Quando il bestiame si ammalava o era in procinto di partorire, i nostri nonni mettevano un pizzico di queste erbe nel beveraggio degli animali e questi guarivano. Forse non era quel pizzico di erba secca che faceva guarire il bestiame. In ogni caso la grande fede dei nostri nonni, che credevano fermamente nella benevolenza della Madonna aiutava la guarigione. Sicuramente per loro la guarigione del bestiame era merito della “mana” benedetta.

L’Assunta è la protettrice delle guide alpine nonché degli uomini della montagna. In questa giornata così solenne era di rigore rimanere a casa e non arrampicare per onorare la Madonna. La vita della gente di montagna oggi è cambiata, sono pochi i lavori dei campi, c’è il turismo e la festa dell’Assunta cade proprio nel periodo di maggior lavoro.

Anni addietro veramente questa festa ha rischiato l’oblio. Forse è per questa ragione che nel 1974 il sacerdote Don Titto Vecchietti, parroco di Campitello, insieme alle guide alpine Luciano Ploner, Renzo Favé e Corrado Riz hanno pensato di festeggiare l’Assunzione di Maria con una celebrazione e una festa per tutti gli uomini della montagna. E’stato davvero un bel pensiero! La festa è così diventata per la comunità di Campitello e tutta la val di Fassa un appuntamento tradizionale che si rinnova di anno in anno. Il 15 agosto si celebra una messa solenne all’aperto in onore dell’Assunta, viene posata una corona di alloro davanti al monumento delle guide alpine, ricordando così la storia dell’alpinismo fassano. Durante la celebrazione della messa si prega la Madonna perché protegga sempre le guide alpine, gli scalatori, chi vive in montagna e chi si reca in montagna sia per lavoro che per diletto. Si ringrazia il Creatore per aver donato alla nostra gente una valle meravigliosa che ci consente di lavorare e far crescere le nostre famiglie senza dover emigrare. Si ricordano i valori che ci hanno lasciato i nostri nonni, che sono la fede, la costanza, la gioia e soprattutto il rispetto per il prossimo.

La montagna è quasi sempre sinonimo di fatica, si sale per sentieri ripidi e tortuosi ma arrivati alla vetta, davanti ai nostri occhi si aprono panorami meravigliosi, il cuore trova pace e l’anima può avvicinarsi al Dio del Cielo. Così succede anche nella vita, ci vuole impegno e costanza per raggiungere un sogno, a volte abbiamo bisogno di qualcuno che ci aiuti a proseguire, ma arrivati alla meta il cuore si apre alla felicità. In questa giornata, con commozione, si ricordano le persone che hanno perso la vita sulle nostre bellissime montagne, dal cuore sale spontanea l’invocazione a Dio e alla Madonna perché possano scalare le meravigliose guglie del Paradiso.

Oggi si prega anche perché noi, che abitiamo in questa bella valle, sappiamo valorizzarla e preservarla per poterla consegnare alle generazioni future meravigliosa come lo è adesso. Si invitano i turisti a recarsi in montagna con accortezza e rispetto senza mettersi in pericolo.  Soprattutto si esortano a godere queste meraviglie, non solo con gli occhi, ma con il cuore e l’anima ringraziando Dio di questo dono stupendo che sono le nostre montagne . Partecipano a questa festa tanti gruppi, le guide alpine, i volontari del soccorso alpino, i Ciamorces de Fascia, le sezioni del CAI/SAT di valle, i volontari del soccorso sanitario, i guardia boschi, i maestri di sci, gli alpini, le autorità civili, religiose, militari, il gruppo folcloristico Schuhplattler di Campitello e la banda musicale Auta Fascia. La festa dell’Assunta è dunque la festa di tutti gli abitanti della montagna, uomini e donne. Pensiamo a boscaioli, ai contadini, agli uomini che approntano la legna per l’inverno, a chi gestisce i rifugi, a chi lavora sugli impianti di risalita, alle donne impegnate nel lavoro turistico, nei servizi, a quelle che accudiscono la famiglia e la casa, tutti hanno nel cuore un profondo amore e rispetto per la montagna.

Speriamo che anche in futuro si onori l’Assunta con una festa solenne ma soprattutto che tutti noi in quel giorno, nonostante il lavoro, riusciamo ad alzare un attimo gli occhi sulle nostre stupende vette chiedendo alla Madonna di proteggere sempre la nostra gente e la Val di Fassa.

Note:

Informazioni e foto in bianco e nero  dal bollettino del decanato  della Val di Fassa “La Campana della pieve”.

Informazioni storiche dal libro “Usanzes e lurgeres da zacan” di Simon Soraperra de Giulio  – Istituto Culturale Ladino di Fassa.