Una Terra…cinque Lingue! – L vièl del Re!

Chest troi l ne conta  n toch de istoria de noscia val e l bel leam de fradaa de n re e noscia jent. Saon che nesc veies  i ge dajea n inom, per solit per ladin, a vièi, nedies, coi e valujeles, per rejons ben prezises. Emben vegn da se domanèr,  coluna el rejon de l’inom de chest troi da mont?

Friedrich August III l’é stat l’ùltim re de Sachsen (Sassonia). L’era nasciù a Dresda ai 25 de me del 1865, l’é stat re dal 1904 al 1918 canche l’é fenì la Gran Vera e l’é mort ai 18 de firé del 1932 a Sibyllenort te la Slesia.

Chestes l’é demò neves  che se troa su libres ma no les ne conta cotant  valent che l’era chest re e che bel leam che l’aea col Tirol e sia jent, L’era pascionà de natura, ge saea bel jir a crepes, fèr raides sui troes da mont, vardèr i fiores e la besties.  L vegnìa de spes ai fresc  tel Tirol, l se loghèa  te n ciastel a Sand in Taufers (Campo Tures) olache l’era ence canche l’é crepà fora la Gran Vera. Da Taufers l vegnia de spes a fèr spazirèdes e a jir a crepes su per Sasslench e Sela.

Segur l’aea sentù rejonèr de noscia val ti recorc de familia ajache ai 7 de aost del 1841 n auter re de Sachsen, Friedrich August II,  l’era ruà te Fascia ja Vich a studièr botanica. Enlouta  i museganc da Vich ge aea sport l benvegnù co la tombretes e  i colpes de tamburle depent su per l’ocajion  con fiames rosses e biences.

Friedrich August III ai prumes del 1900 canche l vegnìa te Fascia l se fajea compagnèr te sia raides e a rampeèr ence da la jent del post. Coscita l’à cognosciù Franz Dialer da Sousc e i é doventé peconc. Franz Dialer da Sousc l’é stat n pionier del turism,  l’era patron de la cèsa  da mont “Dialer” e de la pruma utia  sun Sas de Rodela. Per portèr la massarìes sun Rodela l vegnìa ca da la mont de Sousc, a pe sessaben, varean con gran fadìa  sun  troes  senestres, erc  e soraldut  che  i era dut n jir su e ju. Tel cef l’aea l’ensomech de fèr n vièl n costa mìngol più sorì ampò no l’aea  assà scioldi e omin.

Canche l’e stat belebon pecont del re Friedrich August, l ge à domanà  se l metessa a la leta si omin per fèr n vièl più comet che vegne da la Mont de Sousc, cà per sot Sasslench enscin te la spersa del Sela. L re che aea gran stima per noscia jent da mont,  no se à fat preèr, ben content de poder dèr na man,   l ge à metù sobito a la leta scioldi e  omin. L vièl l’é stat stichenà fora sun n troi che l’era ja olache ampò passèa demò ciamorces e caprioi. L’é n costa, sorì, per nia pericolous,  a presciapech a la medema uteza e soraldut zenza gregn erc. L’é stat fenì e avert ai 15 de messèl del 1911.

Franz Dialer l’era dassen  content e no l fenìa più de dir develpai al re. L re Friedrich August  ence l’era n muie content de aer podù fèr vèlch de ùtol per  sie pecont e noscia jent  che semper ge sporjea n ciaut e bel benvegnù. Per rengraziament l’à domanà demò che a chel  vièl se  ge dajesse  sie inom. L Dialer sessaben con gaissa  l’à dit sobito de sci e coscita chel bel troi  l’à ciapà l’inom de Friedrich August Weg. Se conta che l re aesse ence dormì tel fegn  te na veia tieja da mont che se troèa pech sot Rodela. Te chel medemo post aldidanché  l’é  la cèsa da mont, fata su da Günther Prinoth che l ge à dat semper l’inom del Re de Sachsen, Friedrich August Hütte. Da ite  l’é apontin na bela stua  olache se pel veder veies retrac testamonesc de la storia de chest vièl e de la utia.

Sun chest troi  anchecondì passa  n grumon de foresc che fosc no se domana la rejon de chest inom. Per nos che sion da chiontorn enveze,  l’é de valuta e  bel saer che l’é stat fat con didament de n re. Ades che vegn d’istà  podon se fèr na raida sa mont sun chest vièl storich olache se pel goder  veduda maraveouses  e pissèr che passon olache à vareà Friedrich August III l’ultim re de Sachsen.

Notes:  Enformazions toutes fora dal liber  de Fernando Brunel “A spas per la Ladinia” publicà da l’Union di Ladins de Fascia e da n veie  calender del 1978 scrit da Père Frumenzio Ghetta.

Il sentiero de re!  di Annelise Vian 

In val di Fassa, ai piedi del meraviglioso gruppo montuoso del Sassolungo, si può percorrere un sentiero relativamente facile che porta dal Col Rodella all’Alpe di Siusi.

E’ il Freidrich August Weg, un sentiero storico che racconta l’amicizia di un re e la nostra gente di montagna.  Nelle nostre valli ogni radura, colle e avallamento ha una sua denominazione, un nome quasi sempre in ladino dato dai nostri avi per una ragione ben precisa.  Per questo motivo sorge spontanea una domanda, qual è il significato del nome di questo sentiero?

Friedrich August III è stato l’ultimo re di Sassonia. Era nato a Dresda il 25 maggio 1865, ha regnato dal 1904 al 1918 anno in cui è finita la grande Guerra ed è morto il 18 febbraio 1932 a Sibyllenort nella Slesia. Queste sono notizie anagrafiche che non ci dicono però quanto questo re fosse buono e legato al Tirolo, alla sua gente e alla val di Fassa.

Era appassionato di natura, osservava gli animali selvatici, i fiori e amava arrampicare. Veniva spesso in vacanza in Tirolo e alloggiava in un castello a Sand in Taufers ( Campo Tures) in valle Aurina dove lo sorprese  lo scoppio della Grande Guerra. Da Taufers veniva spesso ad arrampicare nei gruppi montuosi del Sassolungo e del Sella. Sicuramente aveva sentito parlare della nostra valle nei ricordi di famiglia visto che prima di lui un altro re di Sassonia, Friedrich August II,  il 7 agosto 1841 era arrivato a Vigo di Fassa per studiare botanica. In quell’occasione i musicanti di Vigo avevano ricevuto il re con squilli di tromba e colpi di tamburo, decorati dai Maler (pittori) fassani, con fiamme rosse e bianche.

Nei primi anni del 1900 durante il suo soggiorni in Tirolo,  quindi anche nelle nostre vallate dolomitiche, Federico Augusto III si faceva accompagnare dalle persone del posto ad arrampicare o anche solo a fare semplici gite. Per questo motivo conobbe e diventò amico di Fraz Dialer di Siusi. Franz Dialer era un pioniere del turismo, proprietario del Rifugio “Dialer” sull’Alpe di Siusi e del primo rifugio sulla sommità del Col Rodella. Quasi tutti i giorni, per portare l’occorrente da un rifugio all’altro, percorreva sentieri con salite e discese molto ripide e faticose. Aveva il sogno di realizzare un percorso più pianeggiante e comodo che unisse la zona del Rodella e del Sella all’Alpe di Siusi, ma gli mancavano i mezzi.

Divenuto amico del re gli chiese appunto uomini e finanziamenti per realizzare il suo sogno. Il re fu felice di poter aiutare il suo amico e la sua gente che stimava moltissimo, acconsentì e mise subito a disposizione uomini e mezzi. Sotto il Sassolungo esisteva già una tracciato dove passavano caprioli, camosci e cacciatori. Da quella traccia gli uomini del re ricavarono il sentiero che oggi è percorso da migliaia di turisti. E’ stato finito ed inaugurato il 15 luglio 1911.

Franz Dialer era felicissimo e non sapeva come ringraziare il re. Il re era molto contento di aver realizzato un’opera al servizio della gente di montagna che lo accoglieva sempre con grande ospitalità. Per ringraziamento chiese solamente che a quel sentiero venisse dato il suo nome. Franz Dialer ovviamente acconsentì con molto entusiasmo.

Su questo sentiero si trova anche il rifugio Friedrich August costruito da Günther Prinoth di Campitello di Fassa.  Ai tempi dei soggiorni del re era solo una baita di montagna, ora è un bellissimo rifugio con una stube, dove si ricorda con foto e documenti, la storia del sentiero e del rifugio. La maggior parte dei turisti che percorrono quel sentiero panoramico forse non si chiedono il perché di quel nome.  Per noi che abitiamo questa meravigliosa valle è sicuramente fondamentale conoscerne la storia. E‘ bello e significativo pensare che camminiamo lungo un sentiero costruito da un re, Friedrich August III ultimo re di Sassonia.

Note: Informazioni dal libro di Fernando Brunel “A spas per la Ladinia” pubblicato dall’Union di Ladins de Fascia e dal  calendario del 1978 scritto da Padre Frumenzio Ghetta.