Una Terra… cinque Lingue! – Picola fregola de storia de Ciampedel

Sa Ciampedel, sun som Col da Faé, l’é una de la più veia cèses del paìsc e l’é ence la pruma che à abù l’èga da ite. Chesta majon la era de chi “Beoc”, del 1893 canche Franzele Riz “Pascalin” l se à maridà, l ge l’à comprèda ju e alò l’é jit a stèr con sia femena Maria Valentinelli “Nonesa”.

Franzele l’era nasciù del 1866, da la Gran Vera l’à combatù per 18 meisc sun Ombreta e Ombretola, l’era n “Primo Tenente” e desche atendent l’aea Don Tita Soraruf de Stefin che à abù gran nonzech ence desche menacrep.  Enlouta sun Marmolèda l’era n muie de prejonieres Russi che sessaben padìa la fam e l freit. Franzele Pascalin i à mené ju te paìsc, l ge à dat da magnèr e da lurèr. L ge à domanà de ciavèr su, con pich e badil, la strèdes de Ciampedel per meter ju la condotes da l’èga e fèr l prum bosserlait, coscita l’é stat ence endrezà i festii fora per dut l paìsc.

La families jia a se tor l’èga per cèsa e per stala te festil, chela de Franzele cognea jir japede Col da Faé sot la cèsa de Poder. La strèda la é bona erta, d’invern sessaben l’era giacià e se cognea stèr ascorc a no jir n schena, ence d’istà jir de sot n su coi calzedrìe l’era na gran fadìa.

Fenida la Vera, Ciampedel del 1926 l’é doventà frazion de Cianacei e l capocomun da enlouta Ziperla Soricia l’à dit che l tol via l festil sot majon de Poder. Enlouta Franzele, per no cogner jir amò più dalènc a se tor èga, l’à ciavà su la strèda e l se à fat ruèr l’èga te majon.  Del 1928 canche l’é nasciù la fia Eleonora la majon de Franzele Pascalin aea l’èga da ite, la pruma a Ciampedel.

Notes – Articol scrit coi recorc de Eleonora Riz fia de Franzele Pascalin.

Frammento di storia di Campitello di Fassa.

Una delle più antiche case di Campitello di Fassa è situata in strada Col da Faé ed è stata la prima abitazione ad avere l’acqua corrente in casa quasi subito dopo la Grande Guerra.
Questa casa è stata acquistata nel 1893 da Franzele (Francesco) Riz “Pascalin” quando si è sposato con Maria Valentinelli “Nonesa”.

Franzele era nato nel 1866, durante la Grande Guerra ha combattuto per 18 mesi sull’Ombreta e l’Ombretola, era un “Primo Tenente” e suo attendente era Don Tita Soraruf “de Stefin” conosciuto anche come grande scalatore e guida alpina.  Durante la guerra in Marmolada c’erano tanti prigionieri russi che pativano la fame ed il freddo. Franzele li prese in consegna, li portò in paese ed in cambio di un pasto caldo chiese loro di scavare le strade di Campitello e interrare le tubature per il primo acquedotto.

Si costruirono così anche le prime fontane dove le famiglie potevano approvvigionarsi di acqua potabile per le case e le stalle. La famiglia di Franzele per l’acqua si serviva della fontana sita all’inizio della salita. La strada di Col da Faé è molto ripida, d’inverno era ghiacciata e anche l’estate comunque era faticoso salire con secchi di rame pieni d’acqua.

Dopo la guerra, nel 1926 Campitello diventò una frazione di Canazei e il sindaco di allora Ziperla (Cipriano) “Soricia” decise di abbattere la fontana di Col da Faé. Franzele per non dover andare ancora più lontano a prendere l’acqua scavò la strada, pose le tubature e si fece arrivare l’acqua in casa. Nel 1928 quando nacque la figlia Eleonora la casa di Franzele Pascalin era servita di acqua potabile, era la prima abitazione di Campitello di Fassa ad avere questo servizio.

Note – Informazioni avute da Eleonora Riz Pascalina figlia di Franzele