Una Terra… cinque Lingue! – Emozions a Werk Gschwent
Passèr d’aisciuda sui Sompian Zimbres l’é n encant, posć maraveousc, pèscoi tampesté de fiores šai, bosch de avez con te anter l’or di Goldenregen, picoi leghes da èga chieres e montagnoles che se matea. Senté sun n sas se pel scutèr l chiet de l’acort! No se pel nence creer che dal 1915 al 1918 te chisc lesc coscita bie sie stat l’infern de la Gran Vera. Enlouta su per chi bie coi l soul son che se sentìa l’era l rebom de la èrmes e di canons, dassen n gran spaent.
Sui Sompians Zimbres, Lusern, Lavaron, Folgaria, dut rejona de storia, aló se pel dalbon troèr la pedies lascèdes da nesc giaves endèna la Gran Vera. Canche se rua a Lavaron no se pel fèr condemanco de jir a veder ”Werk Gschwent – Forte Belvedere”. Ja a ge vardèr dal de fora l fèsc imprescion dapò canche se va da ite vegn i sgrices ju per la schena. Vareèr la sèva de usc de chesta forteza l’é desche ruèr te la storia, somea béleche de poder sentir amò la oujes di 200 sudé che per 4 egn alalengia à vivù anter chi mures. I padiments, la struscies, l’encresciment e la poura che i à proà.
La forteza la é stata fata su te trei egn, dal 1908 al 1912, la é sun na crepa da olache se veit ju la Val d’Astico olache l’era apontin la seida anter l’Imper Austro – Ungarich e la Tèlia. L proget l’é stat stichenà fora dal tenent Rudolf Schneider, dassen n gran enjenier! Scriver chel che se veit l’é senester, se pel contèr vèlch marevea, la emozions ma per entener se cogn jir a veder. L’é n ciasament militèr con mures grosc, fonestra picoles con fereèdes per se parèr dai toc de la bombes, sfesses per sbarèr, portesc lènc e strenc. L’era stat pissà fora a na maniera che i militères podesse aer dut chel che ge servìa per viver e sessaben per tegnir fora i bombardamenc e i assauc.
Passan per la desvaliva sales, se pel veder èrc che fèsc pissèr a cotant inant che era l’armèda. L sach a peil per i ofizièi, na cèsa da fech con ja na fana a prescion, na cambra olache i militères podea se fèr l bagn, la sala per i dotores con n let per la operazions, la cambres di sudé a postern ampò al segur e con fornìe perché che i posse se sciudèr. La soletes con potreles de acèl metudes a chèster una sora l’autra, te duc i coridores l’era la canistres con èga neta da beiver, “maschere anti gas” e bomboles de ossigen. Se resta a veder che i aea metù l telefon per poder rejonèr da ite de la forteza ma ence con la autra 7 fortezes che se troa dintorn ai Sompians Zimbres. No l’é dut ajache se fossa sutà l telefon i aea pissà a l’alfabet “Morse” da fèr co la lum de gregn fares.
Vèlch che no se pel desmentièr canche se va a veder Werk Gschwent l’é de segur chel che pel aer proà i militères endèna i assauc, canche i sbarèa o i era sot bombardament. Su la postazions da olache i sbarèa l’é stat metù na registrazion de la sbarèdes e di colpes di canons. L’é dut n rebom, nos aldidanché se l sent per pec menuc e l fèsc dalbon aric e poura. No se pel nence se fegurèr chel che i à proà chi peres militères canche dai 28 de mé ai 11 de jugn del 1915 i é stac, a dò a dò, sot bombardament e i cognea defener la forteza. Peres omin, me strenc l cher a ge pissèr. Te anter a chi mures, te chela galarìes, fum, revedoz, schiopetèdes, bombes, boc di canons, ordegn di ofizièi, poura de morir e copèr per no esser copé. E…. dò canche l’é fenì l’assaut, i jemes di ferii, semper più fiegoi fin canche i se destudèa del dut, fosc i li aea salvé o fosc i era morc. L’era ence na cambra per i morc che no podea esser sobito sepolì! No l’é da se fèr n marevea se zachei jia fora de cef o se fajea mèl enstesc per poder jir a l’ospedèl e se n jir da chel infern.
La forteza à tegnù fora l gran assaut, demò na bomba é ruèda su na guba che zirèa e aea da ite n canon da 100 mm, con encresciment l’é mort 7 jogn omin. I é stac sepolì te la cortina de vera de Slaghenaufi, frazion de Lavaron, aló paussa 750 militères, sia croujes les é duta valives, demò i morc de la forteza Gschwent i à na lapida de sas.
Te un di portesc se pel veder veies retrac. Te un se veit i militères che magna sui desc che i aea metù su per la strèda che amò anchecondì porta a la forteza. Chest fat l’é sozedù del 1916 do la “Strafexpedition” canche la linea de fronte la se à tramudà ju per l Venet. Zacan i militères i à podù vegnir de fora e i à fat festa con na marena a l’averta. No l’é da se fèr n marevea se i volea veder lumenous, se goder l’aria, sentir l vent e veder l soreie, dò dut chel che i aea passà.
N autra foto che fèsc pissèr l’é chela di militères dedant a n capitel fat su del 1865 che l’é amò anchecondì a Lavaron te la frazion “Gasperi” olache se encroja la strèda per la frazion “Cappella”. Sun chela se veit i sudé tor pèrt con fona devozion a la Messa e la procescion de Corpo de Crist. Da chel retrat, se pel entener la gran fé di militères Tiroleres, cotant che vegnìa preà e che a la fin la fé l’era la soula che i didèa a tegnir fora l’aric de la vera.
De chesta forteza fossa amò n muie da contèr ma no semper se é bogn de scriver chel che se à vedù e proà. L’é dassen da jir a la veder per no desmentièr chel che à passà nesc giaves! Veder per se dèr ju dalbon perché che te noscia comunanzes se rue a mantegnir la pèsc che l’é un di più preziousc valores che se pel aer.
Tel serèr su chest articol volesse ge sporjer n bel e fort develpai a la doi guides che per doi outes me à fat descorir n toch de storia de noscia tera, Marco Caneppele e Laura Ferrari, i é dassen n muie enjigné e i spiega delvers i fac che l’é sozedù.
N ùltima mete n consaputa che la forteza la é sorida da arjonjer, la se troa a Lavaron, se rua pech dalenc co l’auto, da fèr a pe l’é demò 5 menuc de strèda sorida e per saer de più de la forteza e l’é n sito internet http://www.fortebelvedere.org
Emozioni a Forte Belvedere
Visitare gli Altipiani Cimbri in primavera è meraviglioso, pascoli ricoperti da botton d’oro, boschi di abeti bianchi rallegrati dal giallo oro dei maggiociondoli, limpidi laghetti e simpatiche giocose marmotte. Seduti su di un sasso si può ascoltare il silenzio della quiete. Sembra impossibile che dal 1915 al 1918 questi luoghi meravigliosi abbiano conosciuto l’inferno della Grande Guerra. L’unico suono che allora si udiva era il rimbombo delle armi e dei cannoni, spaventoso! Sugli Altipiani Cimbri, Luserna, Lavarone, Folgaria, tutto è impregnato di storia, li si possono davvero trovare le orme dei nostri nonni durante la Grande Guerra.
Arrivati a Lavarone non si può proseguire senza visitare “Werk Gschwent – Forte Belvedere”. Già vederlo all’esterno fa impressione poi entrando vengono i brividi. Oltrepassando la soglia del forte è come entrare nella storia, sembra di poter udire ancora le voci dei 200 soldati che per 4 anni hanno vissuto fra quelle mura. Le sofferenze, le fatiche, la nostalgia e la paura che hanno avuto. Il forte è stato costruito in tre anni, dal 1908 al 1912, si trova su di una roccia dalla quale si domina la Val d’Astico dove passava il confine fra l’Impero Austro – Ungarico e l’Italia. Il progetto era stato redatto dal tenente Rudolf Schneider, davvero un grande ingegnere!
E’ difficile scrivere quello che si vede all’interno del forte, si possono raccontare alcune particolarità e le emozioni ma per capire si deve visitare. Si tratta di un edificio militare, pareti massicce, piccole finestre con protezioni anti scheggia, postazioni di sparo, corridoi lunghi e stretti. Era stato costruito in modo che i soldati avessero all’interno tutto quello che serviva per vivere e per resistere agli assalti e ai bombardamenti.
Passando fra le sale si vedono reperti che ci fanno capire quanto l’esercito già in quegli anni fosse dotato di oggetti moderni. Un sacco a pelo per gli ufficiali, una cucina provvista di una rudimentale pentola a pressione, un locale con la vasca da bagno, l’infermeria con un lettino per le operazioni, le camere disposte sul sicuro versante nord con stufette perché i soldati potessero riscaldarsi. Spessi solai con putrelle di acciaio disposte incrociate a più strati. In tutte le gallerie vi erano taniche di acqua potabile, maschere anti – gas e bombole di ossigeno. Si rimane stupiti dal fatto che c’era già un collegamento telefonico interno ed uno esterno tra i 7 forti che si trovano sugli Altipiani Cimbri. Oltre a questo era stato predisposto anche un sistema di comunicazione luminosa con potenti fari che potevano comunicare attraverso l’alfabeto “Morse” nel caso fosse saltato il collegamento telefonico con gli altri forti.
Uscendo da Forte Belvedere sicuramente non si può dimenticare quello che possono aver provato i soldati durante gli assalti e i bombardamenti. Nelle postazioni da dove sparavano e partivano le cannonate è posta una registrazione di spari e colpi di cannone. Tutto rintrona! Noi oggi ascoltiamo quei fragori per pochi minuti ci spaventano e ci incutono paura. Non possiamo nemmeno immaginare quello che hanno provato i militari in 15 giorni di bombardamento ininterrotto dal 28 maggio all’undici giugno del 1915. Poveri uomini, stringe il cuore a pensarci. Fra quelle mura, in quelle gallerie, fumo, rimbombo, spari, bombe, cannonate, ordini degli ufficiali, trambusto, paura di morire, uccidere per non essere uccisi. E … dopo il bombardamento le grida dei feriti che con il passare delle ore diventava un gemito sempre più flebile, fino a spegnersi, forse erano stati curati e salvati o forse erano morti. Nel forte c’era anche una cella per i morti che non potevano essere subito seppelliti. Non c’è sicuramente da meravigliarsi se alcuni diventavano pazzi o si auto lesionavano per poter essere mandati in ospedale e uscire da quell’inferno.
La fortezza ha resistito al grande assalto riportando pochi danni, solo una granata è caduta su di una cupola girevole armata da un obice da 100 mm ed ha ucciso 7 giovani uomini. Sono stati sepolti al cimitero di guerra di Slaghenaufi, frazione di Lavarone, dove riposano 750 soldati, le loro croci sono tutte uguali, solo i morti di Forte Belvedere hanno una lapide in pietra.
In un corridoio si possono vedere delle foto storiche dell’epoca. Una ritrae un pranzo allestito all’aperto sulla strada che ancora oggi si percorre per arrivare al forte. È un fatto accaduto quando nel 1916 dopo la “Strafexpedition – offensiva di maggio”, la linea del fronte si è spostata più a sud verso il Veneto. Finalmente i soldati hanno potuto uscire e hanno festeggiato con un pranzo all’esterno del forte. Non stupisce il fatto che abbiano voluto vedere la luce del sole, respirare un po’ d’aria, sentire il vento, dopo tutto quello che avevano passato. Un’altra foto ritrae i soldati in ginocchio davanti ad un capitello costruito nel 1865, ancora esistente a Lavarone nella frazione Gasperi al bivio con la frazione Cappella, in occasione della Messa e processione del Corpus Domini.
Dalla foto si percepisce la grande devozione e la profonda fede dei soldati Tirolesi che dava loro la forza di sopportare l’orrore della guerra.
Di questo forte ci sarebbero tante cose da raccontare ma non è facile scrivere quello che si è visto e le emozioni che si sono provate. È veramente da visitare per non dimenticare quello che hanno vissuto i nostri nonni! Vedere, riflettere ed impegnarsi affinché nelle nostre comunità possa regnare la pace, uno dei valori più preziosi che possiamo avere.
In chiusura di questo articolo vorrei ringraziare le due guide che per ben due volte mi hanno accompagnato nella visita al forte dandomi la possibilità di conoscere un pezzo di storia della mia terra, Marco Caneppele e Laura Ferrari, sono veramente molto preparati e spiegano in modo chiaro i fatti accaduti.
Vorrei chiudere con qualche informazione: Il forte si può raggiungere comodamente con l’auto ed una passeggiata di soli 5 minuti a piedi su strada panoramica molto facile. Per gli orari di apertura e le visite guidate si può consultare il sito internet http://www.fortebelvedere.org
