Una Terra… cinque Lingue! – Ades l’é Nadal!
Jà 11 i é i bec nasciui a Ciavales dal 05 de Dezember 2018!
E ge jon enscontra a la pruma festes da Nadal, dò 3 egn de batalies, segures de esser segures, senza cogner ge vardèr dò al temp, a l’elicoter e contenc de poder ge dèr alberch al grumon de parenc e ghesc’ che vegnirà cassù a fèr festa.
Dal prum de Dezember 2018, te l’Ospedal de Fiem, Fascia e Cembra
– L dotor di bec l’é a la leta de duta la jent sote i 16 egn, 24 ores en dì, 7 dis su 7;
– L ginecologh l’é a la leta de duta la éles de vigni età , 24 ores en dì, 7 dis su 7;
– L’anestesista l’é a la leta de duc 24 ores en dì, 7 dis su 7.
– 2 ostetriches les é te ospedal e na terza la é reperibile al besegn, 24 ores en dì, 7 dis su 7.
– L’é 2 sales de naa con 2 “isole neonatali” ;
– se pel durèr la sala operatoria semper, aldò del besegn de ginecologia-ostetricia, 24 ores en dì, 7 dis su 7.
– La neva vasca per el parto te l’èga, aldò de la neva normes de segureza, la é stata metùda a jir l’istà passedà .
Parto per Fiemme l’à metù da nef en esser l servije per ge dèr alberch a la families che vegn da fora de val ( al fin de aer più informazions http://www.partoperfiemme.com).
… E rejonan amò n mingol de l’elicoter, se per vigni viac jun Trent se paia più de 3000€, col Pont de Naa riavert se pel fèr a cont de manco di viajes che no joa e donca se ge dèsc n contribut ence economich a nesc servijes, lassan l’elicoter a la lèta de chi che n’à dassen de besegn te dut l Trentin! Do dut chest se pèl dalbon dir, enceseben che la Bolp no la é ruèda apede jù l’Ua per temp…
Ades l’é Nadal!