Una Terra…cinque Lingue! – A ker gschicht van FILZERHOF

Il Filzerhof, inaugurato nel 1998, è molto più di un maso, molto più di un museo:  è un lungo racconto, che narra la vita della comunità mochena,  partendo dal lavoro nel bosco e nei campi, fino ad arrivare agli antichi rituali tradizionali.

Der hoff pet en andet ont der gòrtn, ist kemmen kaft en 1992 van Bersntoler Kulturinstitut.
De struktur van haus ont de innbendege saitn sai’ plimm glaich finz en de inser zaitn, asou ver za meing vourstelln an paispil van an òltn bersntoler haus.

Der rif, van lait as pasuachen der hoff, ist za sechen abia as de lait sai’ galept doin jor; ver za tea’ dòss hom se gahòltn en de original zimmern as sai’ ingarichtet kemmen pet an ettlena originaln sòchen van sèll hoff, ont òndra as kemmen va òndra heff.

A stuck van hoff ist kemmen ausgarichtet: s dòch ist kemmen gònz vernaiert.
Za hom nou en tol hòntbèrkler as sai’ guat za òrbetn abia a vòrt, pet e glaichen mittln, s Kulturinstitut hòt en ibergem, abia as men mu’ sechen ausbende, de òrbet za mòchen vanait s gonze dòch pet de schintln (larchene schintln) gamòcht va hont.

De Museum van Bersntol derhòltet s gadenk ont de karateristiken van doi lont. S sai’ “platz-museum” as hom gahòltn der gadenk af de arkitetur ont de sòchen, de platz as kontarn gschichtn van lem va òll to, va de òrbet, van praich ont trochtn.

De òrbetn ont de untersuach van dokumentn, sai’ olla kemmen gatu’ ver za verpessern de pasuach.
De ingern kolleng as hom no tschaut sai’ : de Claudia Marchesoni, de Tatiana Andreatta ont der Leo Toller. De hom pfunt s jor as ist augongen der Filzerhof : en jor 1324.

De Austell en sitz van Bersntoler Kulturinstitut en Palai ist offet òll to, van 22 van oberel finz as de 4 van òlderhaileng, ont enveze de Austell kan Filzerhof mu men pasuachen en de offetzaitn van summer.  Men mu schaung eppes mear, asn  sito van Bersntoler Kulturinstitut.