Una Terra…cinque lingue! – L’é vertech l nef Almanach!
Edizione speciale della rubrica, oggi: parliamo del nuovo Almanacco! Da 6 anni l’Union di Ladins de Fascia prepara una pubblicazione divertente, tutta in ladino, con gli avvenimenti dell’anno concluso visti attraverso i disegni dell’artista Manuel Riz e con molte altre informazioni e curiosità. Il nuovo numero, fatto in collaborazione con la Scuola Ladina di Fassa, sarà presentato sabato 24 febbraio. – di Lucia Gross
L bel codejel che l’Union di Ladins de Fascia dèsc fora oramai da 6 egn, con la gustégola patofies de Manuel Riz, é oramai enjignà. L vegn prejentà en sabeda ai 24 de firé da les 4 domesdì te Sorastanza de la Scola a Sèn Jan, tel chèder de la radunanza anuala olache la sociazion ladina porta dant l bilanz de sia atività.
Chest an l’Almanach l’é stat fat en colaborazion con la Scola, col grop de robotica “Gome neve” e l professor Thomas Zulian.
Apede ai avenimenc del 2017, metui ensema da la redazion de La Usc de Fascia, ogni meis l’é na piata dedichèda a n ucel de nosc raion, con n bel dessegn de Fabian Mosele, l test de la prof.a Elisabetta Demattio e enscinamai l QR Code per scutèr dal fonin l ciant de ogne ucel.
Te l’Almanach 2017 podede troèr ence la curta biografìa de personajes ladins e l’oroscop su l’amor scrit da ClaudiaConta. La bela grafica é stata rencurèda da Stephanie Ghetta.
Duc chi che à paà ite l’adejion a l’Union o l’abonament a La Usc per l’an 2018 i lo ciapa de don. Se pel paèr ite ence endèna la radunanza, che sarà viventèda da la sonèdes de n driz de studenc de la Scola, e a la fin sarà n sluch per se fèr na viva.
Ve speton donca ai 24 de firé da les 4 domesdì te Sorastanza de la Scola de Fascia.